OСМАНИ: Веста дека се собрани над 10.000 потписи ме најде во домашен амбиент
Објавено во: Македонија 26 Февруари, 2024
Mинистерот за надворешни работи, Бујар Османи ги собра потребните 10.000 потписи за да се кандидира за претседател.
Кандидатот за претседател од ДУИ Бујар Османи преку видео порака од својот дом вечерва објави дека собрал над 10.000 потписи за неговата кандидатура.
Следен по број на собрани потписи е кандидатот на движењето „За наша Македонија“, Максим Димитриевски. Заклучно вчера до 20 часот кога е и пресекот на податоците на ДИК, имал 5.923 потписи.
За кандидатка на Левица, Билјана Ванковска-Цветковска, се потпишале вкупно 4.478 граѓани. На четврто место е кандидатот на ГРОМ, Стевчо Јакимовски, со 3.091 потписи. Вело Марковски има 433.
Кандидатот на опозициските партии на Албанците, Арбен Таравари има 1.645 потписи.
Ниту 100 потписи засега немаат Зорица Цветковска и Ѓорги Манасков. За Томе Николовски ниту еден граѓанин не се потпишал. Мерсиха Смаиловиќ има над 500 потписи.