Основниот показател

Добивај вести на Viber

Сигурно некогаш во животот сте помислиле да имате некој свој бизнис. Не е битно каков, не е битно ни колку средства се потребни за истиот, но веројатно голем број од нас сонуваат да станат сопственици на нешто што ќе може да кажат дека е само нивно.... Втората фаза во реализација на сонот, под претпоставка дека знаете што ќе правите е да видите за колку време би си ги вратиле вложените средства. Па така ако сте дале 10.000 евра почетен капитал и планирата да правите профит од 1.000 евра годишно, вашиот годишен поврат е 10%. Ако 10те проценти годишен профит ги споредите со тоа што може да го добиете во банка за истиот период (околу 5-6%) доаѓаме до заклучок дека треба да се осмелите бидејќи потенцијалната награда е поголема од ризикот. Од друга страна можеби не сакате да работите за себе, а вашите средства сакате да им ги дадате на луѓе кои се попаментни од Вас во светот на бизнисот и притоа еднакво да се збогатите како кога би работеле за себе. Тоа е едната од можните дефиниции за малите инвеститори на берза. Е сега главното прашање е: кому да му ги дадам парите ? Тоа се вика фундаментална анализа. Основниот показател на фундаменталната анализа се вика коефицинет Цена/Заработка што е поприлично многу сличен со горниот пример. Цена е вкупната пазарна капитализација те вредност на компанијата, а заработка е нормално профитот што го носи. Пример доколку некоја фирма има 100 мил евра вкупна вредност, а притоа остварува профит од 20 милиони, нејзиниот коефициент е еднаков на 5, што би рекло ако сите пари ги дели како дивиденда инвеститорите за 5 години ќе си ја земат основната инвестиција само преку дивиденди. На основа на овој параметар може да добиеме првична слика за состојба на компанијата. Како се анализира параметарот:

1. Генерално доколку истот е под 10 се смета дека акциите се подценети и дека треба да се купуваат
2. Меѓутоа може коефицинетот да е и 30 и акцијата пак да расте и да треба да се купи. Пример доколку некој гигант од типот на APPLE секоја година расте со 50% , а неговиот коефицинет е 30, акцијата треба да се купи дека едноставно испорачува повеќе отколку што вреди. Што би рекло ако профитот расте повеќе од коефицинетот тогаш се е ОК
3. Споредувате со конкуренцијата, доколку нашиот телеком да речеме има коефицинет 5, додека хрватскиот, словенечкиот,босанскиот имаат 10 очигледно дека нашиот е најефтин и дека по овој параметар треба да се купи (ова патем речено не се вистински вредности)

Ова е само една од многуте алатка на таканаречената фундаметална анализа. Што овој коефицинет значел низ историјата и како влијаел на движењето на акциите ќе пишуваме наредните броеви. Димитриоски Милан