Отворен најголемиот фитнес и спа-центар во Македонија

Добивај вести на Viber

Отворен е нов фитнес и спа – центар во Скопје. Synergy Fitness & Spa центарот нуди комплетно нов начин на сфаќање на физичката активност, релаксацијата и уживањето. Центарот, којшто вчеравечер свечено беше отворен, е лоциран во населбата Аеродром, на простор од над 2.000 квадратни метри и располага со најголемата фитнес-сала во Македонија, која што е целосно опремена со опрема за вежбање од светски познатиот бренд „Technogym“. На свеченото отварање присуствуваа голем број гости кои низ посебно организирани тури беа запознаени со капацитетите и програмите кои ги нуди Synergy Fitness & Spa центарот. "Концептот на Synergy Fitness & Spa центарот е многу едноставен - нудиме комплетно нов начин на сфаќање на физичката активност, релаксацијата и на уживањето во Скопје. Целта ни е да им помогнеме на граѓаните да започнат да водат поздрав и поактивен стил на живеење. Затоа им обезбедивме најсовремено опремен простор кој е во потполност прилагоден на модерниот начин на живот - по опрема, климатизација и функционалност. За првпат во Македонија веќе може да се вежба во фитнес-сала со комплетна Technogym опрема“, изјави Никола Боглев, oперативен mенаџер на Sinergy Fitnees & Spa центарот. Центарот располага и со две сали за групните активности зумба, спининг, аеробик, јога, степ-аеробик, пилатес, ориентални танци, боди-баланс, пилатес за трудници, како и активности за деца. Спа-зоната е посебен сегмент и нуди најразлични релакс третмани од сауни и парни бањи до релаксирачи и терапевтски масажи. Комплексот располага со најсовремено опремена кафетерија, игротека, продавница за спортска опрема и аксесоари, а има и непосреден пристап до катна гаража. До 21 февруари, Synergy Fitness & Spa центарот нуди промотивен попуст од 30%, за секоја месечна членарина за користење на Фитнес салата и Фитнес и Спа пакетот, било за еден, три, шест или дванаесет месеци.