Отворен овогодшниот „Самит 100 бизнис лидери во Југоисточна Европа“

Добивај вести на Viber

Самит 100, водечката бизнис иницијатива на регионот која ги собира бизнис и политичките лидери во Југоисточна Европа, под мотото „Договор за нова доба“ почна денес во Сараево. Пред преку 150 присутни учесници и специјални гости и бројни претставници на медиуми од регионот, во воведниот дел на присутните им се обратија копретседавајќи со овогодишниот Самит 100, Елдин Хаџиселимовиќ, директор на АСА Холдинг и Амер Буквиќ, директор на ББИ банка.

„Исклучително сме горди што ваков значаен настан, кој ја собира регионалната бизнис елита, се одржува овде во Сараево. На петтата заедничка средба на најистакнатите економисти, бизнис и политички лидери од целиот регион, повторно ќе ја отвориме ретроспективата за јакнење на конкурентноста на националните економии на земјите, но и конкурентниот потенцијал на цела југоисточна Европа“, изјави Елдин Хаџиселимовиќ, директор на АСА Холдинг.

Темите на овогодишниот собир се подобрување на економските прилики и регионална соработка преку препознавање на потенцијални на подрачјата на иновации и енергетска ефикасност, транспорт и логистика, циркуларна економија, храна и туризам, образование како и регионални кластери со фокус на автоиндустријата.

„Се надевам дека Сараево, како град во кој со векови живеат различни кулури, додатно ќе креира позитивен впечаток да се реализираат целите на овогодишниот собир. Самит 100 треба да послужи како место на економско вмрежување и дијалог каде биснис субјектите на претставниците на политиката ќе им понудат конкретни предлози за унапредување на стандардите во регионот. Како нашиот регион може да профитира од циркуларната економија и нордиски модел на соработка, се само некои од предвидените теми на разговор во наредните два дена“, истакна Амер Буквиќ, директор на ББИ Банка.

Специјален гостин на Самит 100 денес бил амбасадорот Кари Кахилуото, претседавачот на Нордискиот совет на министри. Во своето излагање тој ја претставил позитивната пракса на економска соработка на нордиските земји, која на земјите од југоисточна Европа може да им послужи како пример за економско вмрежување.

Исто така, како специјални гости пред учесниците се обратија и Иза и Само Логин, најбогатиот словенечки брачен пар, основачи на „Outfit7“ и „Talking Tom“ апликациите. Само Логин ги претставил бенефитите на стартапот.

Босна и Херцеговина е прв пат домаќин на петтиот по ред Самит 100, чија програма продолжува и утре, кога е планирано доаѓање и учество на политички лидери од регионот.

Организатори на Самит 100 се ББИ банка и АСА Превент групацијата од Босна и Херцеговина, со поддршка од Здружението Менаџер од Словенија, Српската асоцијација на менаџери, Хрватската задруга на работодавци, Атлас група од Црна Гора и Алкалоид од Македонија.