ПАД НА ДОЛАРОТ, ПОСИЛНО ЕВРО И ФУНТА, но и нафтата поскапе
Објавено во: Економија 30 Септември, 2022
Вредноста на доларот во однос на кошничката валути на пазарот драстично падна од највисокото ниво во последните 20 години.
Индексот на доларот кој ја покажува вредноста на американскиот долар во однос на другите шест најважни светски валути се движи околу 111,90 поени, додека вчера во ова време изнесуваше 113,30 поени.
Истовремено, курсот на доларот во однос на јапонската валута порасна од вчерашните 144,50 на 144,65 јени, пишува „Блиц.рс“.
Но, американската валута ослабе во однос на европската, па цената на еврото достигна 0,9820 долари, додека вчера во овој момент таа изнесуваше 0,9685 долари.
Зајакнувањето на еврото е благодарение на очекувањата дека Европската централна банка повторно ќе ги зголеми клучните каматни стапки за 0,75 процентни поени на седницата во октомври, бидејќи инфлацијата во еврозоната не стивнува.
На ова укажуваат вчера објавените информации дека во септември инфлацијата во Германија скокна на 10,9 отсто, што е највисоко ниво од 1996 година и значително повисока од очекуваното.
Американската валута ослабе и во однос на британската, на која позитивно влијаеја интервенциите на британската централна банка на пазарот на обврзници со цел намалување на приносите.
На почетокот на неделата, фунтата падна на рекордно ниско ниво од 1,0327 долари поради планот на новата влада за големо задолжување за стимулирање на економијата. Сепак, фунтата закрепна по два дена интервенција на централната банка.
Утринава фунтата се тргува околу 1,1220 долари и е на пат за неделна добивка од повеќе од 2 отсто.
Цените на нафтата се стабилизираа по вчерашниот пад. Барелот на лондонскиот пазар зајакна за 0,10 отсто, на 88,50 долари, додека на американскиот пазар поскапе за 0,15 отсто, на 81,30 долари.
Како резултат на тоа, цените на нафтата се на пат за својата прва неделна добивка за пет недели по големите промени.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
КОНЕЧНО И ПОРТАЛИТЕ ВЛЕГУВААТ ВО ЗАКОНОТ, ЌЕ СЕ РЕГУЛИРААТ И АГРЕГАТОРИТЕ - еве што носи новата нацрт верзија
Еве ги најголемите економски патриоти! Кои се најголемите македонски извозници меѓу котираните компании?
