ПАДНА ЦЕНАТА НА НАФТАТА НА СВЕТСКИТЕ БЕРЗИ: Загрижувачките вести од Кина го „срушија“ барелот
Објавено во: Економија 01 Јуни, 2023
Цените на нафтата денеска паднаа на меѓународните пазари до 73 долари, бидејќи трговците се загрижени за забавување на активностите во кинескиот индустриски сектор, што сигнализира послаба побарувачка за енергија.
На лондонскиот пазар барелот се продаваше по цена од 73 центи пониска од вчерашната цена на затворање од 72,98 долари. Тој вчера ја затвори трговијата со загуба од 3,53 долари.
На американскиот пазар цената на барелот падна за 90 центи на 68,56 долари. Вчера ја затвори трговијата за минус 3,21 долар. Пазарите вчера ги потресе стравот дека американскиот Конгрес нема навреме да го суспендира лимитот на државниот долг, што би значело дека државата нема да може правилно да ги подмири финансиските обврски од 5 јуни.
Група републикански пратеници посочија дека би можеле да го блокираат законот, но претседателот на Претставничкиот дом Кевон Мекарти, републиканец, рече дека е уверен дека законот „ќе помине“. Трговците беа потресени во средата од извештајот кој покажува пад на кинеската индустриска активност во мај.
Пазарите се обидуваат да проценат дали ОПЕК + ќе ја промени производната политика, бидејќи министерот за енергетика на Саудиска Арабија предупреди на проблеми за трговците кои шпекулираат со падот на цените, додека рускиот вицепремиер очекува да нема проблеми по намалувањето на испораките пред еден месец.
Не очекуваат промени ниту аналитичарите на британската банка ХСБЦ, кои прогнозираат дека зголемената побарувачка на нафта во Кина и на Запад од летото ќе резултира со недостиг на понуда во втората половина на годината.