ПАЛЕЛ СУВА ТРЕВА И САМИОТ ИЗГОРЕЛ: Жител на село Одрено загина во пожар во околината на Ранковце
Објавено во: Македонија 07 Февруари, 2024
Шеесет и осум годишен жител на село Одрено, Општина Ранковце, вчера починал во пожар на сува трева што самиот го запалил заради расчистување на нива, потврдија од МВР.
- На 6 февруари 2024 година во 19 часот и 40 минути во полициското одделение Ранковце било пријавено дека во опожарена нива во село Одрено, општина Ранковце, бил пронајден починат шеесет и осум годишениот Д.С. од истото село. Лекар од Итна медицинска помош констатирал дека смртта настапила како последица на изгореници на телото и главата и на телото немало траги на насилство - информира портпаролот на Секторот за внатрешни работи, Куманово.
Според пријавеното во МВР, околу 12 часот тој излегол од домот да пали сува трева на неговата нива, по што немал контакт со семејството.
Екипа од ОВР Крива Паланка извршила увид, а по наредба на јавен обвинител телото на починатиот било предадено на семејството.
Од Територијалната противпожарна единица Ранковце потврдија дека вршеле интервенција на местото на пожарот, во атарот помеѓу селата Одрено и Псача, каде зафатени биле околу пет декари сува трева и овошни дрвца.
Оттаму упатија апел до граѓаните да бидат крајно внимателни при расчистувањето на нивите и потсетуваат да не се палат стрништа.
Фактор и претходно објави за трагичниот настан, по информациите кои ги содели Центарот за управување со кризи.
Можеби ќе ве интересира
За десетина дена би можел да се знае составот на новата влада: Обвинувања за притисоци за решенијата и одлуките за поништеното гласање
Mаксимумот на температурата денес до 29 степени, во Скопје до 27 - но нестабилно: Ова е временската прогноза
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
