ПАМЕТНИ ОЧИЛА: конкуренцијата пристигна и тоа двојно поевтина!

Добивај вести на Viber

Sony упатува предизвик за Google Glass, објавувајќи го ставањето во промет на Sony SmartEyeglass - паметни очила, кои можат да бидат порачани. Тие се значително поевтини, иако се далеку од идејата за нешто елегантно, пишува Cnet. Ова се првите паметни очила на Sony, кои излегуваат на пазарот. Од март месец тие ќе бидат достапни во САД, Велика Британија, Германија и Јапонија на цени односно од 840 долари, 520 фунти, 670 евра и 100 илјади јени. Прелиминарните нарачки почнуваат денеска во Велика Британија и Германија. Освен тоа ќе се продава на бизнис корисници во Франција, Италија, Шпанија, Белгија, Холандија и Шведска. Паметните очила имаат транспарентен екран во леќите, така што корисникот може да гледа функции, како електронска пошта и известувања кои пловат пред неговите очи. Кога ќе се поврзат со smartphone, очилата може да прикажуваат информации или да кажуваат што се случува со неговите апликации. SED-E1 ги прикажува информациите само во зелена боја. Батеријата им издржува околу 2 часа и 30 минути. Иако постојат многу високотехнолошки очила на пазарот, најпознатите до моментов остануваат Google Glass. Тие беа едни од најраните уреди во сегментите кои го поттурнаа трендот за правење на повеќе преносни уреди. Претходно оваа година Google сепак престана да ги продава. Тие се нудеа по цена од 1500 долари и беа достапни само во ограничени количини. Идејата на компанијата никогаш не била тие да бидат за масовна употреба. К.К.