ПАРИТЕ ЗА СУБВЕНЦИОНИРАН ОБРОК НА ТРАНСАКЦИСКА ДО МАРТ: МОН толку време има да го изготви системот на микроплаќање
Објавено во: Македонија 18 Ноември, 2022 08:15
Предлог на закон за изменување на Законот за субвенциониран
студентски оброк, по скратена постапка уште денеска може да се најде на пленарна седница пред пратениците и да
биде изгласан, а според предлагачите, со оглед дека по измените и дополнувањата на овој закон од 2021 година успешно се врши исплата на средства за субвенциониран студентски оброк на околу 31.000 студенти, потребно е важноста на овие законски решенија да се продолжи до март 2023 година.
Пратеничката од редовите на ЛДП, Моника Зајкова, за Фактор појасни дека парите ќе бидат ретроактивно исплатени, односно од 15 септември до 30 ноември. Истовремено посочува дека цената за субвенциониран судентки оброк до март ќе изнесува 120 денари и на тој начин, како што стои во Предлог законот нема финансиски последици врз буџетот и другите јавни финансиски средства.
-Поради истечена одредба и настанување на вакум период студентите беа спречени да го остварат своето право на оброк почнувајќи од 15 септември и затоа велам дека е добро што измените кои беа повлечени го подигнаа гласот на студентите и ги разбудија надлежните институции за потребата од системско имплементирање на мерката. МОН има време до 15 март следната година на изготват систем на микроплаќање, по примерот на Словенија. Тоа значи, парите за субвенциониран оброк, место на трансакциска сметка да ги добиваат во бонови, ваучери или слично и да ги користат во угостителските објекти. Значи тие пари да бидат наменски, исклучиво за оброк, за храна, вели пратеничката од ЛДП.
Зајкова нагласува дека откако би се воспоставил тој систем на микроплаќање, ќе има предлози цените на храната во угостителските објекти да бидат намалени дури и за 30 отсто за студентите, а ќе има и јавен повик со цел да се изготви листа на ресторани, гостилници, кафеани во кои студентите ќе може да ги користат наменските ваучери за здрав оброк.
-По 15 март 2023 година, кога дефинитивно очекуваме МОН да го имплементира системот за сибвенциониран студентски оброк, веројатно е да има покачување на цената, односно да биде 140 денари, пред се заради инфлацијата.
Законот за субвенциониран студентски оброк е иницијална идеја на Либерално демократската партија во соработка со студентите, по примерот на Република Словенија, предложен уште во 2018 година, а изгласан од страна на сите парламентарни партии во 2020 година. Сега измените во Законот за изменување на Законот за изменување и дополнување на Законот за субвенциониран студентски оброк се вршат со цел да се продолжи со исплатата на овие средства во насока на подобрување на стандардот на студентите.
Анита Буховски
Можеби ќе ве интересира
ЦИПРАС ПРИЗНАВА – „АКО НЕ ПОБРЗАВМЕ ЌЕ БЕВМЕ ПОД ПРИТИСОК ДА ГО ПРИФАТИМЕ УСТАВНОТО ИМЕ“: По седум години од Преспанскиот договор
МИЦКОСКИ СООПШТИ КОГА ЌЕ ПОЧНЕ ИЗГРАДБАТА НА БРЗАТА ПРУГА: „Ќе значи многу во историска и транспортна смисла“
„ПРИСТИГНУВААТ РАЗНИ ПОРАКИ ОД СОФИЈА, СТАРИТЕ РЕКЛЕ ПОМАЛКУ СЛУШАЈ, ПОВЕЌЕ ГЛЕДАЈ ШТО РАБОТАТ“: Мицкоски вели Бугарија може да ги повлече амандманите во ЕП
Петар Ристески Пеката: Потпишав пристапница, но не станав член на СДСМ
„ЈА ПОВИКУВАМ СИЛЈАНОВСКА ДА СТАВИ ПРСТ НА ЧЕЛО“: „Нека гукнат!“, вели Ванковска
Бидете крајно внимателни, доаѓаат невреме, громови и појава на град!
„ЕДЕН ОД ПОГОЛЕМИТЕ ПОГРОМИ НА ОВАА НАПАТЕНА ДРЖАВА И НАРОД!“ Дуковски за седумгодишнината од Преспанскиот договор
НИКОЛОСКИ ВЕЛИ ДЕКА МИЈАЛКОВ Е ИСКЛУЧЕН ОД ПАРТИЈАТА, ИМ ДАДЕ СОВЕТ НА СДСМ ИСТОТО ДА ГО НАПРАВАТ СО ТИЕ ШТО СЕ СЛИКААТ ВО ДУБАИ СО ЗЛАТНИ ВИЗИ: Еве што тој открива тој
