Парното треба да поевтини за најмалку 12%

Добивај вести на Viber

Иако реално постојат услови за намалување на цената на парното греење, овие најави се речиси невозможни од формално правен аспект. Правилникот според кој се утврдува цената на парното греење не кореспондира со законот за енергетика. Откако пред две недели регулаторната комисија за енергетика ја намали цената на природниот гас за 17%, сега на потег е регулаторната комисија за енергетика да донесе нов правилник за утврдување на цената на парното греење, а потоа и да донесе одлука за намалување на цената. „Со оглед на фактот што регулаторите го поефтинија гасот, но и мазутот, двата клучни енергенси за производство на топлинска енергија, сега по донесување на правилникот цената на парното греење во најмала рака треба да се намали за 12%“, коментираат извори за Фактор. Балкан Енерџи Груп, руската компанија која го превзема топлификацискиот бизнис не може формално-правно да поднесе барање затоа што постоечкиот правилник кој утврдува приходи и цени и со кој практично се утврдува цената, не е во согласност со законот за енергетика. Од регулаторната комисија за енергетика никој не објаснува каква е процедурата и дали и кога ќе се донесе нов правилник за утврдување на цената на парното греење. Оваа состојба значи дека воопшто не се создадени услови дури и да се поднесе барањето, а дури потоа да се разгледува и да се донесе одлука за нова пониска цена на парното греење. Инаку, Утрински весник завчера пласираше информација дека руската фирма Балкан Енерџи Груп ќе побара од регулаторната комисија намалување на цената за 5% како и греењето да продолжи до 23-30 часот. Топлификација ги порамнува сметките Топлификација со последното годишно порамнување на сметките веќе испорачаа пониски суми за оние граѓани кои не користеле парно или се грееле на млаки радијатори. Корисниците кои се исклучени нема да бидат дел од порамнувањето. Тие ќе ја чекаат одлуката од  Уставниот суд кадешто е поднесена иницијатива за преиспитување на обврската да плаќаат за надомест кој не го користат. Од почетокот на годинава обврската за производство, дистрибуција и снабдување  со топлинска енергија е во рацете на  руската компанија Балкан Енерџи Груп која од Топлификација презеде околу 400 вработени. Претходно Толфикакација ги врати сите лиценци потребни за работа бидејки работеле нерентабилно. М.И.