ПАРТИЈА НА ПЕНЗИОНЕРИ: Не прифаќаме зголемување на прагот за пензионирање
Објавено во: Економија 04 Декември, 2024
Партијата на пензионери категорично е против и не ја прифаќа иницијативата за зголемување на прагот за пензионирање, кој сега изнесува 64 години живот. Тие со соопштение се обратија до јавноста.
За Партијата на пензионери, исто така, се неприфатливи и неразумни образложенијата на предлагачите на ваквата иницијатива, која наводно има за цел да се подобри финансиската положба на Фондот за ПИО, како и да се намали зависноста од државниот Буџет.
Причини за ваквиот став се:
- зголемената зависност од државниот Буџет, во овој и идниот период, за редовна исплата на пензиите, не е никако поврзана и предизвикана од актуелниот законски праг за остварување на право на старосна пензија, бидејќи, во периодот од донесување на оваа законска одредба, па се до Одлуката на Владата за линеарно усогласување на пензиите, зависноста на Фондот за ПИО кон Буџетот на државата континуирано се намалуваше.
- доколку се подигне прагот за пензионирање на 67 години се намалуваат шансите за вработување на младите кадри и се зголемува притисокот за нивно заминување во странство.
- животниот век на граѓаните во земјава, по пензионирање, а и општо, поради полошите услови за живот од оние во развиените земји, е меѓу најкратките во Европа.
- не е реално да се очекува исполнување на заложбата на работодавачите за зголемена продуктивност од работници на возраст над 64 години.
Поради наведеното, Партијата на пензионери, како единствен политички субјект на пензионерите во земјата, подржува креирање, исклучиво и само, политики со кои на нашето стопанство му се помага да може да оствари:
- отворање на нови и подолгорочно одржливи работни места,
- зголемување на вкупниот број на вработени, особено млади, како и редовно исплаќање на плати и придонеси.
- зголемување на сите плати и реалната куповна моќ на вработените,
- намалување на сивата економија, и
- зголемување на процентот кој се исплаќа за придонеси од плата (ПИО и ФЗО), доколку се појави акутна потреба за интервенција за заштита на стабилноста на ФПИО и редовна исплата на пензиите.
Власта соопшти дека не планираат да ја зголемат границата за пензионирање, иако од Фискалниот совет има таква препорака.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НЕИСКОРИСТЕН ПОТЕНЦИЈАЛ: Сиромашна земја „лежи“ врз злато вредно три билиони долари
НАЈВИСОКА ВРЕДНОСТ ВО ИСТОРИЈАТА: Резервите на злато во Албанија растат
ПУТИН ЗА ЗАКАНИТЕ НА ТРАМП КОН БРИКС: Едно е да се забрани употребата на доларот, а друго да не се користи доларот
Рударството бара млади умови: Знаењето во акција - Министерството отвора врати за идните експерти
ВМРО-НП: Решението не е ниту во промена на старосната граница за пензија, ниту во зголемувањето на даноците
„НЕРАБОТНИЦИ“ ОД ЦЕЛИОТ СВЕТ, ПРИЈАВЕТЕ СЕ - изборот е во Хрватска, а еве кои се условите за да победите
„НАСТЕЛ“ ПРОДАВА, ЧЛЕНОВИТЕ НА УПРАВЕН ОДБОР КУПУВААТ - сопственички промени во „Реплек“, еве кој ги зајакнува позициите
ИНВЕСТИТОРИ НАВАЛИЈА НА „МАКПЕТРОЛ“ - помина блок од 60 илјади евра, а „жешко“ беше и на редовниот пазар
Мицкоски: Телеком, A1 Македонија, Цементарница и ЕВН ќе плаќаат поголем данок во Македонија
