Кадар за иднината: Министерството и Универзитетот „Гоце Делчев“ – Штип, вложуваат во дефицитарни професии
Рударството бара млади умови: Знаењето во акција - Министерството отвора врати за идните експерти
Објавено во: Економија 04 Декември, 2024
Министерството за енергетика, рударство и минерални суровини и Универзитетот „Гоце Делчев“ – Штип, денес потпишаа Меморандум за соработка со кој се отвораат нови можности за едукација и развој на кадарот во секторот за рударство, енергетика и минерални суровини.
Потписници на меморандумот се министерката за енергетика, рударство и минерални суровини Сања Божиновска и ректорот на Универзитетот „Гоце Делчев“ – Штип, Проф. д-р Дејан Мираковски.
Со оглед на тоа што секторот за рударство и минерални суровини во Македонија се соочува со сериозен недостиг на стручен кадар, оваа соработка е значајна за брза подготовка на едуцирани млади професионалци. Практикантската работа, стручната експертиза и можноста за директен пренос на знаење ќе обезбедат студентите да станат подготвени и високо квалификувани кадри.
„Соработката со еден од најреномираните универзитети во земјата е чекор кон обезбедување сигурна иднина во енергетиката и рударството. Со овој меморандум, вложуваме во едукација, иновации и нова генерација стручњаци,“ изјави министерката Божиновска по потпишувањето.
Ректорот, проф. д-р Мираковски, додаде дека Универзитетот ќе вложи максимални напори во создавање кадар кој ќе одговори на предизвиците на оваа значајна индустрија, со посебен акцент на примената на нови технологии.
Особено значајна е можноста за студентите да се вклучат во креирањето на јавни политики преку изработка на магистерски и докторски тези на теми релевантни за развојот на енергетиката и рударството.
„Нашите студенти имаат шанса да стекнат уникатно искуство и да придонесат за подобра иднина во индустријата која е мотор на економскиот развој,“ истакна проф. д-р Мираковски.
Меморандумот предвидува заедничко унапредување на законската регулатива во областа на енергетиката, рударството и минералните суровини, апликација за проекти кои ќе овозможат развој на нови технологии, како и организирање на практикантска работа за студентите.
Со овој меморандум, државата испраќа порака дека инвестирањето во образованието е основата за стабилен и одржлив развој на секторите кои се од витално значење за Македонија.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ПАРТИЈА НА ПЕНЗИОНЕРИ: Не прифаќаме зголемување на прагот за пензионирање
НЕИСКОРИСТЕН ПОТЕНЦИЈАЛ: Сиромашна земја „лежи“ врз злато вредно три билиони долари
НАЈВИСОКА ВРЕДНОСТ ВО ИСТОРИЈАТА: Резервите на злато во Албанија растат
ПУТИН ЗА ЗАКАНИТЕ НА ТРАМП КОН БРИКС: Едно е да се забрани употребата на доларот, а друго да не се користи доларот
ВМРО-НП: Решението не е ниту во промена на старосната граница за пензија, ниту во зголемувањето на даноците
„НЕРАБОТНИЦИ“ ОД ЦЕЛИОТ СВЕТ, ПРИЈАВЕТЕ СЕ - изборот е во Хрватска, а еве кои се условите за да победите
„НАСТЕЛ“ ПРОДАВА, ЧЛЕНОВИТЕ НА УПРАВЕН ОДБОР КУПУВААТ - сопственички промени во „Реплек“, еве кој ги зајакнува позициите
ИНВЕСТИТОРИ НАВАЛИЈА НА „МАКПЕТРОЛ“ - помина блок од 60 илјади евра, а „жешко“ беше и на редовниот пазар
Мицкоски: Телеком, A1 Македонија, Цементарница и ЕВН ќе плаќаат поголем данок во Македонија
