Пазарот на мобилни телефони го достигна својот врв. А сега каде?

Добивај вести на Viber

Откако бевме сведоци на децении на континуиран раст, пазарот на мобилни телефони конечно го достигна својот врв, покажа анализата на CCS Insight. Во следните 5 години продажбата на телефони ќе се „вртат“ околу 2 милијарди парчиња.

За прв пат по многу години компонентите поскапеа, што го прави потежок опстанокот на малите производители. Аналитичарите очекуваат пад од 1,3% на светскиот пазар за мобилни телефони оваа година,. Се појавува сложена ситуација во повеќето региони, со исклучок на Кина, каде што пазарот ќе се опорави по многу слабата 2015 година и до крајот на деценијата продажбите во земјата ќе изнесуваат околу 450 милиони парчиња годишно.

Локомотивата на мобилната индустрија, остануваат смартфоните, токму на нив паѓа основниот дел од продажбата, забележува CCS Insight.

На пазарот оваа година ќе бидат доставени 1,42 милијарди паметни телефони, што е за 4,1% повеќе спрема 2015 година. Уделот на смартфоните ќе продолжи да расте - од 75% во оваа година до околу 90% до 2020 година.

Аналитичарите предвидуваат зголемување на растот по пенетрацијата на технологијата од четвртата генерација - LTE. Во оваа година се очекува да бидат испорачани 1,11 милијарди телефони со поддршка на LTE, а до 2020 година нивниот број ќе порасне до 1,65 милијарди, или 85% од сите телефони.

Истовремено, забавениот раст на мобилната индустрија и зголемената конкуренција ја влошуваат ситуацијата на помалите производители. Компаниите кои не се од рангот на Samsung, Apple или Huawei, сѐ потешко ќе одржуваат профитабилен бизнис со мобилни телефони.

Ситуацијата се комплицира уште повеќе од поскапувањето на компонентите во втората половина на 2016 година, во услови на дефицит на снабдувањето на дисплеи за смартфони, камери и мемориски чипови. Недостатокот на овие компоненти е предизвикан од резервација на достапните производствени капацитети од страна на големите играчи во индустријата, како и од неодамнешниот земјотрес во Тајван.

За прв пат по многу години, компонентите за мобилни телефони поскапуваат.

Под овие услови, за производителите со мали обеми ќе стане практично невозможно да бидат во профит, без да ги зголемат цените на производите, велат од CCS Insight.

За големи играчи како Samsung и Huawei, тоа ќе биде многу удобна можност да го зголемат притисокот врз конкурентите и да го зајакнат своето лидерство на пазарот, додаваат од таму.