Пендаровски ги осуди заканите и насилството кон новинари

Добивај вести на Viber

Претседателот на државата, Стево Пендаровски ги осуди нападите и заканите кон новинарите. 

„Најостро ги осудувам заканите и насилството од кој било вид, насочени кон новинарите и медиумските работници. Изминативе денови сме сведоци на физичко и вербално насилство и закани на социјалните мрежи. Ги повикувам надлежните институции веднаш да спроведат истраги и соодветни дејства и што поскоро да ги решаваат ваквите случаи.   Новинарите и останатите медиумски работници потребно е да бидат ослободени од страв, со цел непречено да ја извршуваат својата работа. Критичката мисла на јавноста е значаен показател за степенот на развој на демократската дебата. Не смееме да дозволиме да се загрозува слободата на информирање. На новинарите да им се овозможи да работат за јавниот интерес, со што граѓаните ќе можат да го остварат своето право на слободно и навремено информирање“, пишува Пендаровски. 

Во раните утрински часови во еден скопски ресторан во близина на гимназијата „Орце Николов“ е нападнат новинарот Љупчо Златев.

Закани се упатени и кон новинарката Мирослава Бурнс.