Пендаровски против три и пол дневниот карантин: Светот ќе мора да научи да живее со вирусот

Добивај вести на Viber

Стево Пендаровски, по завршување на седницата на Советот за безбедност рече дека не му се допаѓа тоа што цела Македонија треба да биде во карантин од повеќе од три дена со забрана за движење од утре од 16.00 часот до вторник до 05.00 часот.

- Во однос на мерката за ограничување на движењето со над 80- часа спаѓаме во групата на земји со најригидни мерки. Истото го мислам и за стопанството. Треба да се размислува за фазно постепено враќање на економската активност во нормала. Целиот свет ќе мора да научи да живее со корона вирусот, рече Пендаровски.

- Во ситуација кога Собранието не работи, се носи нова одлука за вонредна состојба. Тоа не ја намалува одговорноста сите политички субјекти да ги кажат своите ставови на средината на мај кога ќе ги има истите дилеми, наведе шефот на државата.

Пендаровски на верниците им ги честиташе велигденските празници и напомена дека и правото на вероисповест е нормално да се ограничи, кога се ограничува правото на движење и на образование.

- Оваа година црквата ќе мора да се сообрази со правилата кои важат за сите. Правото на слободно движење и правото на образование веќе се ограничени, смета Пендаровски.