Пендаровски вети дека украдените пари ќе бидат вратени
Објавено во: Македонија 07 Декември, 2016
Стево Пендаровски, носител на кандидатската листа на СДСМ и коалицијата во ИЕ 1 денеска изјави дека Владата годишно како буџет испумпувала по 400 милиони евра и дека парите ќе бидат вратени ако победат на избори.
Вели дека ако се земе в предвид дека се 10 години на власт, лесно ќе се дојде до крајната бројка на украдени пари од буџетот пред се преку тендери, што изнесува преку 5 милијарди евра. Пендаровски објаснува дека тоа е само еден начин на кој Владата крадела пари од граѓаните и од сопствената држава.
„Вкупната бројка на украдени пари во изминативе десет години во РМ, украдени од Владата на РМ изнесува 7 до 8 милијарди евра. Главното прашање кое го поставуваат граѓаните е дали тие пари можат да се вратат и дали тие што го направија овој најголем грабеж ќе одговараат. За ова постои неспорна политичка волја кај опозицијата предводена од СДСМ, тоа да го направи. Од првиот ден институциите ќе ги гонат криминалците кои ова и го направија на сопствената држава“ - вели тој.
Тој порача дека ако во недела граѓаните гласаат за број 4, ветува дека парите кои се украдени ќе бидат вратени во државата.
Додава дека нема никаков проблем тој имот да се конфискува, независно дали е тука или надвор.
Можеби ќе ве интересира
ЗА ПРВ ПАТ ПРЕМИЕР НА ВЛАДАТА НА МАКЕДОНИЈА Е ПОКАНЕТ И ЌЕ ПРИСУСТВУВА НА ИНАУГУРАЦИЈАТА: Успех за македонската дипломатија, вели Милошоски
Кривичен суд: Притвор за Раде Трајковски - Штекли и за уште деветмина
ТУРСКИ ТУРИСТИ СЕ ИЗГУБИЛЕ КАЈ МАТКА: Се ангажирал чамец за да се спасат
ЕВЕ ВО КАКВА СОСТОЈБА Е ПАТОТ ОД ПАНТЕЛЕЈМОН ДО СРЕДНО ВОДНО: Неколку возила заглавија во снегот вчера
ПО ТРАГЕДИЈАТА ВО ПРИЛЕП: Што велат психолозите, треба ли луѓето да се тестираат дали се спремни за родители?
БРОЈОТ НА ЗАБОЛЕНИ ОД ГРИП ВО ПОРАСТ, ВТОРОТО ПОЛУГОДИЕ ПОЧНУВА НАВРЕМЕ: Постои ли зголемен ризик од ширење на сезонскиот вирус
„РАЗБИРАМ ВЕРНИЧКА, РАЗБИРАМ ТРАДИЦИИ, АМА СЕКОЈ БОЖЈИ ПРАЗНИК СО/ДО ПОГЛАВАРОТ ДА БИДЕШ?“ Ванковска за Силјановска Давкова и вчерашното одбележување на Водици
„ДОБРО УТРО ОД ВАШИНГТОН“: Муцунски со селфи ја поздрави Македонија од САД
