Петгодишна програма за аграрот, ќе се офајдат ли земјоделците?
Објавено во: Агробизнис 18 Октомври, 2012 16:03
Програма за аграрна поддршка за периодот 2013 - 2017 беше промовирана денеска. Земјоделците да го прошират своето производство и да ги надградат сопствените бизниси е целта на новата петгодишна програма што денеска во Владата ја разгледуваа сите релевантни фактори, претставници од земјоделските здруженија, науката и надлежните институции.
Програмата предвидува драстично зголемување на субвенциите и е проектирана на вкупно 700 милиони евра. Доби позитивна оценка од странските експерти, но мерките се уште се дефинираат. Во текстот, како што рече ресорниот министер Љупчо Димовски, има место за сите издржани забелешки.
- Планираната сума што навистина е солидна, сакаме да ја реализираме во вистинска насока. Акцентот ќе биде ставен врз производството на сточна храна, примената на агроеколошките мерки и користењето сертифициран семенски материјал што ќе значи поголеми и поквалитетни приноси особено на житните и градинарските култури, нагласи Димовски. Од начинот на реализација на програмата ќе зависи дали од неа ќе се офајдат и земјоделците, оти и досега се даваа субвенции, но тие не донесоа поголем принос на земјоделски производи, туку повеќе беа социјална мерка за земјоделците, сметаат експертите.Можеби ќе ве интересира
ЛАЖНИ ДОЈАВИ ЗА БОМБИ ВО ДВЕ СКОПСКИ УЧИЛИШТА: Од МВР со детали
ЛАЖНИ ДОЈАВИ ЗА БОМБИ ВО ДВЕ СКОПСКИ УЧИЛИШТА: Од МВР со детали
