ПЕТРОВСКА ГО ОСУДИ АПСЕЊЕТО НА ЛУЃЕТО ВО ГОСТИВАРСКО: Праша каде е Дафина Стојаноска која тврдеше дека никој не може да го тормози македонскиот народ

Добивај вести на Viber

Пратеничката oд СДСМ, Славјанка Петровска јавно реагираше преку социјалните мрежи на полициската акција во Гостивар, при која беа приведени граѓани кои учествувале во реставрацијата на црквата Св. Петка во селото Галате. 

Во својата Фејсбук објава, таа ги осуди властите за оваа постапка, поставувајќи прашања за приоритетите на полициските акции.

„Веројатно властите ги решија сите криминалци кои јуришаат по улиците деновиве и решија да апсат чесни граѓани, христијани, верници во Бога кои со лични средства сакаат да ја реставрираат православната црква Св. Петка во атарот на село Галате, гостиварско. Прво лажеа дека обвинителството наредило апсење, па откако ЈО демантираше, граѓаните се обвинети за узурпација на земјиште! Узурпација на земјиште на кое црквата е изградена пред повеќе од 30 години? Срамота!!! Дафина Стојаноска ја видел некој? Затоа што пред изборите поприлично грлато врескаше дека никој не може да го тормози македонскит народ! Ама не и било до македонскиот народ, на неа и на ДПМНЕ, до власта им било“, пишува Петровска. 

Две лица се приведени попладнево во просториите на Општина Врапчиште.