Pimco: Грција нема да успее да се врати на пазарите оваа година

Добивај вести на Viber

Најголемиот инвестициски фонд во светот Pimco смета дека Грција нема да успее да излезе на меѓународните пазари во 2014 година и дека земјата ќе биде принудена да  бара ново надворешно финансирање, пишува весникот "Етнос", повикувајќи се на Дојче Веле . Весникот забележува дека оваа  проценката ја  побива изјавата на  премиерот Андонис Самарас, кој пред неколку дена објави дека Грција може да застане на нозе и дека веќе не е неопходна помош од нејзините доверители. Пред германскиот весник "Зидојче цајтунг" извршниот директор на Pimco Мајлс Бранч рекол дека не е убеден дека Грција е во можност оваа година да ги собере потребните финансиски средства од меѓународните пазари. Мислењето на светскиот инвестициски фонд има посебна тежина, бидејќи неговите инвестиции во износ од 1,5 трилиони евра се инвестирани во државни обврзници. Каматите на грчките државни обврзници во моментов се движат во границите на 8 проценти, истакнува експертот на Pimco за германскиот весник. Ако Грција земе големи кредити под овие услови, вкупната тежина од каматата на долгот ќе е многу поголема од онаа ако Грција продолжи да се финансира од Европскиот механизам за поддршка. Волфганг Бозбах од владината Демохристијанска партија во Германија,  проценува дека нов меморандум за Грција е неизбежен.