ПЛАЌАМЕ И ДВОЈНО ПОСКАПО: Колку чини зелената електрична енергија?

Добивај вести на Viber

За тие пари на берза или сегментот за квартални, годишни или месечни договори можат да се купат меѓу два и шест мегаватчасови струја. Лани цената на зелен мегаватчас била 112 евра за мегаватчас, а во 2013 година 137 евра за мегаватчас. Во 2012 година биле платени рекордни 138 евра просечно за мегаватчас. Значи со 2,5 милиони евра била купена зелена енергија што одвај е доволна да ја задоволи националната потрошувачка за еден потпросечен ден Македонските граѓани и правните лица-крајни потрошувачи платиле 24,14 милиони евра за „зелената електрична енергија“ што ја произвеле обновливите извори на електрична енергија годинава, покажуваат податоците што ги објави Операторот на пазар на електрична енергија. Просечната цена што македонските граѓани во крајна линија ја плаќаат изнесува 103 евра за мегаватчас електрична енергија што ја произведуваат обновливите извори на електрична енергија кои од државата добиле повластени цени за струјата што ја произведуваат. Од почетокот на јануари до крајот на ноември обновливите производители со повластена цена произвеле 234.400 мегавати за што инкасирале 24,14 милиони евра. За споредба регулираната државна цена што ја одобри Регулаторната комисија за енергика за ЕЛЕМ изнесува околу 44 евра за мегаватчас електрична енергија. На берзите во регионот: ХУПЕКС во Унгарија, ОПКОМ во Романија и БСП Саут Пул во Словенија цената на електричната енергија која се продава еден ден однапред варира во зависност од часот во денот и од периодот во годината (зима или лете) од 0 евра до 80 евра за мегаватчас (апроксимативно). На платформите за тргување со електрична енергија со договори за купување на годишно, квартално или месечно ниво однапред цените се движат од 30 до 70 евра за мегаватчас електрична енергија во зависност од периодот и од други варијабилни фактори. Обновливите извори на електрична енергија во текот на оваа година просечно произведувале 29 мегавати електрична енергија на час. Просечната потрошувачка на македонскиот електроенергетски систем на часовно ниво надминува 800 мегавати што значи дека повластените производители на електрична енергија произведуваат околу 4 отсто од целиот конзум за електрична енергија во националниот систем. Во споредба со лани годинава производството на зелена енергија од повластени производители е зголемено за повеќе од 3 пати, зашто лани просечно на час во систем влегувале само 9 мегавати електрична енергија на час. Големиот раст на произведена електрична енергија е благодарејќи на ветерниот парк „Богданци“ кој почна да произведува годинава и кој значајно го зголеми вкупното производство на обновлива електрична енергија од повластени производители. Колку плаќале граѓаните во минатите години? Според официјалните податоци годинава граѓаните плаќаат најмногу пари за зелена електрична енергија, но обновливите извори и произведуваат најмногу електрична енергија. Од аспект на парите граѓаните и компаниите крајни потрошувачи во 2014 година платиле три пати помалку од годинава односно 9,18 милиони евра. Лани за тие 9,18 милиони евра е произведена електрична енергија 81.950 мегеватчасови електрична енергија, а просечната цена за еден мегаватчас била 112 евра. Во 2013 година просечната откупна цена на зелената енергија била 137 евра, биле платени 5,27 милиони евра, а биле произведени 38.442 мегаватчасови. Во 2012 година била достигната највисоката просечна цена за мегаватчас зелена електрича енергија. Таа изнесувала 138 евра. За 18.106 мегаватчасови, што одвај може да задоволи потрошувачка само за еден просечен ден биле платени 2,5 милиони евра. Р.Ф.