ПО ДОЛГИ ГОДИНИ КОАЛИЦИЈА: Ахмети гласаше за Груевски да остане без мандат?

Добивај вести на Viber

Првиот човек на Демократската унија за интеграција, Али Ахмети гласал „за“ во Собранието за да му биде одземен пратеничкиот мандат на екс премиерот, Никола Груевски, со кого беше претходно долги години во коалиција. 

Ахмети го стиснал зеленото копче, пишува Независен. 

Владејачкото мнозинство не успеа да обезбеди 80 гласа за да му го одземе мандатот на Груевски. 

Во салата отсуствуваа осумте пратеници на новата пратеничка група, која и претходно се изјасни дека нема да го поддржи барањето на власта против Груевски. 

За случајот со Груевски кој треба да оди в затвор, партиите имаат поделени мислења. 

„Кацарска судството” работи под директен диктат на Зоран Заев, човек аболициран за тежок криминал. „Кацарска судството” е срам за правдата и правдината, се наведува во соопштението од ВМРО – ДПМНЕ.

Велат дека почесниот Претседател на ВМРО ДПМНЕ Никола Груевски е жртва на политички прогон.

Поранешниот премиер Груевски не сторил никакво дело, додаваат од неговата партија. 

Од СДСМ одговараат дека Македонија е правна држава, а законите важат за сите подеднакво и никој не е над законот ниту над правдата.

„Судовите се независни институции кои работат согласно своите законски надлежности и нивните одлуки мора да се почитуваат од страна на сите граѓани“, додаваат од СДСМ. 

Тие велат дека правда мора да има. 

Груевски е обвинет во повеќе предмети на СЈО.