По средбата со Туск, Пендаровски смета дека заслужуваме европска перспектива
Објавено во: Македонија 17 Септември, 2019
Покрај премиерот Заев, на средба со претседателот на Европскиот совет беше и шефот на државата.
Стево Пендаровски според објавите на социјалните мрежи имал пријателска средба со Туск.
Двајцата соговорници размениле мислења за севкупните состојби во Република Северна Македонија и во регионот, како и за аспирациите на државата за членство во Европската унија.
-Граѓаните на Северна Македонија заслужуваат европска перспектива и датум за отпочнување на претпристапните преговори. Верувам дека 28-те земји членки на ЕУ ќе донесат одлука во полза на нашата европска иднина. Пријателска средба денеска во Скопје со претседателот на Европскиот Совет Доналд Туск-напиша Пендаровски.