Почина гевгеличанката Спаска Митрова: Бугарската министерка Захариева со последен поздрав
Објавено во: Македонија 30 Јуни, 2020
Министерката за надворешни работи на Бугарија Екатерина Захариева со посебен статус на социјалната мрежа фејсбук изрази жалење за смртта на гевгеличанката Спаска Митрова. Таа почина пред два дена во Гевгелија по тешко боледување, а зад себе ја остави четиринаесетгодишната ќерка. Митрова е инаку бугарски државјанин и позната во јавноста по спорот со сопругот околу стрателството над ќерката. Во случајот на времето се вмеша и Бугарија затоа што Митрова се декларираше како Бугарка. За правата на Бугарите во Македонија зборува и Захариева во статусот.
„Со тага ја примив веста за трагичната смрт на Спаска Митрова. Таа беше пример на извонредна бугарска мајка која и покрај притисокот не се откажа од себе и од нејзиното семејство. Дозволете ми од мое и од име на Министерството за надворешни работи на Република Бугарија да го изразам моето најдлабоко сочувство до семејството и роднините на Митрова. Знам дека ништо не може да ја надомести прераната загуба, но сакам да ги убедам дека Бугарија ќе продолжи да ги заштитува правата на граѓаните на Бугарија во Република Северна Македонија, напиша Захариева на фејсбук.
За случајот Митрова за тужеше Македонија во судот во Стразбур, но пред неколку години го загуби спорот.
Вечното почивалиште на Митрова е на старите бугарски гробишта.