Починатиот 36-годишен пациент имаше дијабетес и масивна пневмонија, водеше тешка битка со Ковид: Д-р Стевановиќ за Фактор

Добивај вести на Viber

Починатиот 36-годишен пациент е примен на Инфективната клиника во Скопје на 19 октомври, а бил поставен на неинвазивна вентилација ден подоцна, информира за Фактор Милена Стевановиќ директор на Клиниката за инфективни болести. Тој е еден од четворицата пациенти од Скопје кои во изминатото деноноќие ја изгубија битката со корона вирусот.

„При прием, пациентот имал масивна пнеумонија и сатурација од 75 проценти. Пациентот бил со прекумерна тежина и имал дијабетес мелитус, тип 2 за која примал терапија, HTA, вели д-р Стевановиќ за Фактор.

Досега во Македонија од компликации од коронавирусот починаа 883 луѓе. Во последното деноноќие, како што информираше Министерството за здравство починати се девет лица. 

Меѓу починатите има и помлади лица. Освен пациентот кој имал 36 години починатите од Скопје имаат 53 години, 60 и 65 години. Пациентот кој починал, а е од Штип имал 66 години, еден е од Радовиш со 72 години, еден од Струмица кој имал 71 година додека лицето од Пробиштип имало 75 години. Починат е и пациент од Македонска Каменица кој имал само 44 години.