Почна есенската сеидба, недостига повеќе дожд
Објавено во: Агробизнис 31 Октомври, 2012 18:22
И покрај дождовите на почетокот на есенската сеидба, агрометеоролозите велат дека сеуште не се задоволени потребите за вода во почвата.
„Сеидбата почна во сушни услови на сите површини каде беше возможен влез на земјоделската механизација за да се запазат оптималните сеидбени рокови. Сега, дождот ќе овозможи нормални услови за површинска обработка и подготовка за сеидба, како и поникнување на посеаните површини“, вели Ангелко Ангелески од Управата за хидрометеоролошки работи (УХМР).
Најмногу дожд наврна во Струмица, 68 литри на метар квадратен, во Берово 66 литри, во Битола 61, Прилеп 50, Скопје, Крива Паланка и Гевгелија 46, а најмалку во централните делови на државата.
„Вода во подлабоките слоеви на почвата нема, а тоа се клучните резерви за успешно навлегување на посевите во услови на презимување. Одминувањето на овој влажен бран и разведрувањето на времето ќе значи крај на вегетацијата за оваа реколта во некои региони како Беровскиот со што се очекуваат и првите есенски мразеви, објаснува Ангелески.
Можеби ќе ве интересира
Кој заработи речиси пола милион евра во март од извоз на јагнешко во Хрватска?
Кој заработи речиси пола милион евра во март од извоз на јагнешко во Хрватска?
ЗА МНОГУМИНА Е ЛУКСУЗ: Колкави јагниња бараат македонските граѓани за Велигден?
ЗА МНОГУМИНА Е ЛУКСУЗ: Колкави јагниња бараат македонските граѓани за Велигден?
