Добивај вести на Viber
Од денеска на 36-те откупни пунктови во Велешко, Струмичко, Пелагониско и Повардарието, почна втората фаза од предвремениот откуп на тутунот. Оваа фаза ќе трае до крајот на месецот и треба да се откупат околу 3.000 тони тутун во кутии. Тутунарите во оваа фаза очекуваат тутунот да добие повисока цена за околу 20-тина денари, бидејќи ќе се откупуваат поквалитетните берби. Инаку во првата фаза која траеше од 20-ти до 30-ти септември се откупија 350 тони тутун по просечна цена од 150 денари за килограм. Проценките се дека годинешната реколта од тутунот ќе тежи над 22.000 тони.