16 Декември, 2025
0.0439

Почнаа натегања во ЕУ – кој да биде претседател на Европската комисија?

Објавено во: Свет 26 Јуни, 2014 11:16

Добивај вести на Viber

Велика Британија по се изгледа ќе остане изолирана против сите останати земји-членки на Европската унија, кои го поддржуваат поранешниот луксембуршки премиер Жан Клод-Јункер за нов прв човек на Европската комисија. Британскиот премиер Дејвид Камерон единствен отворено се изјасни дека не го поддржува назначувањето на Јункер на важната функција. Но, за ваквиот став има се помалку приврзаници меѓу своите колеги од останатите европски земји. Последна поддршка на Јункер му даде и Шведска. „Доколку Жан-Клод Јункер успее да собере мнозинство од шефовите на држави или влади и едновремено добие поддршка од страна на Европскиот парламент, тогаш ќе можеме да констатираме дека правилата на Лисабонскиот договор биле почитувани и тогаш нашата Влада би била подготвена, и Шведска да се приклучи кон таквото мнозинство“, рече шведскиот премиер Фредрик Рајнфелд во пресрет на денешниот ЕУ-самит во Брисел.

И Данска, каде што владината коалиција ја предводат социјалдемократите, го поддржува Јункер.

„Тој е одлична личност за да ги унапреди и поддржи данските интереси“, рече вчера данската премиерка ХелеТорнинг-Шмит.

Германската канцеларка Ангела Меркел на почетокот се двоумеше, но потоа исто така застана зад Јункер. Сепак таа смета дека на Британците треба да им се излезе во пресрет со други персонални решенија.

„Тоа не значи дека можат да се задоволат сите желби, но сепак може да се размисли, што е на друга страна исто така важно за Британците“, рече Меркел.

Но, Камерон во Велика Британија има широка поддршка и од власта и од опозицијата во спротивставувањето на изборот на Јункер за наследник на Жозе Мануел Баросо, што ги прави неговите ставови уште поригидни. Како резултат на ова, британскиот премиер дури и се закани дека неговата земја ќе ја напушти Унијата ако Јункер биде избран. Ова се очекува да предизвика жестока расправа на денешниот европски самит во Брисел.

Можеби ќе ве интересира

(ВИДЕО) Силен ветер урна позната статуа во Бразил

(ВИДЕО) Силен ветер урна позната статуа во Бразил

Ова ја вознемири Русија: Ги прашувал учениците за националноста, па ги избодел

Ова ја вознемири Русија: Ги прашувал учениците за националноста, па ги избодел

Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“

Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“

САД даваат безбедносни гаранции за Украина, но нема договор за територијални отстапки

САД даваат безбедносни гаранции за Украина, но нема договор за територијални отстапки

Украина добива гаранции од САД слични на Член 5 од НАТО?

Украина добива гаранции од САД слични на Член 5 од НАТО?

(ВИДЕО) Мароко брои жртви, по седум години суша се борат со поплави

(ВИДЕО) Мароко брои жртви, по седум години суша се борат со поплави

(ВИДЕО) Украина тврди дека со подводни дронови погодила руска подморница

(ВИДЕО) Украина тврди дека со подводни дронови погодила руска подморница

Што прави семејството на Башар ал Асад во Русија?

Што прави семејството на Башар ал Асад во Русија?

Мерц го спореди Путин со Хитлер: „Тој нема да застане“

Мерц го спореди Путин со Хитлер: „Тој нема да застане“