Почнува серијалот „Енергетска азбука”

Добивај вести на Viber

Почнува серијалот на едукативни емисии со наслов „Енергетска азбука”. Емисијата е дел од активностите на Платформата за енергетска ефикасност на ЕВН Македoнија и Министерството за економија. Целта на емисијата е да ја информира публиката за сите теми поврзани со енергетиката, со посебен акцент на енергетската ефикасност. Во „Енергетска азбука” на интересен начин ќе бидат прикажани основите на енергетиката. Водител е актерот Зоран Љутков кој во овој серијал одблиску ќе ги посетува енергетските постројки и ќе ги промовира причините и начините за разумно користење на електричната енергија. Емисијата ќе има и интерактивен карактер, гледачите ќе можат преку специјално креирана Фејсбук страница да го тестираат своето знаење стекнато преку емисијата каде ќе ги чекаат и нови изненадувања. Емитувањето е секоја втора сабота, на првата програма на Македонската радио телевизија во 13:30 часот, а на МТВ 2 истата ќе се емитува со превод на албански јазик, во сабота во 19.10 часот.