Подигнато обвинение за нарачано убиство на Немцов за петмината осомничени

Добивај вести на Viber

На петмината осомничени кои беа уапсени по убиството на рускиот опозиционер Борис Немцов, им беа покренати обвиненија за вршење на нарачано убиство, соопшти московскиот суд.

Петмината мажи потекнуваат од руските републики Чеченија и Ингушетија, и се обвинети по член 105 од рускиот Кривичен законик, што значи дека истрагата се насочува кон верзија за нарачано убиство.

Поранешниот вицепремиер и политички противник на претседателот Путин, Борис Немцов беше застрелан во ноќта на 27 наспроти 28 февруари во центарот на Москва до Кремљ додека се враќал дома со неговата девојка.

Во неделата по нападот руските власти уапсија петмина мажи. Главниот осомничен, е поранешниот полицаец Заур Дадаев, одкако се изјаснил за виновен, а потоа се откажа од признанијата и рекол дека неговото признание било изнудено со мачење.

Другите четворица осомничени се изјасниле дека се невини. Рускиот „Комерсант“ вчера пишуваше дека рускиот комитет го идентификувал мажот кој им обезбедил на извршителите на убиството оружје и автомобил.

Според весникот мажот, чиј идентитет не се открива, ветил по 5 милиони рубљи (околу 80 000 евра) на секој учесник.