12 Јули, 2020
0.0276

Поевтинува месото во Србија

Објавено во: Агробизнис, Балкан 13 Октомври, 2012

Во Србија, деновиве се очекува поевтинување на месото и месните преработки. Дел од поголемите српки кланици и месни индустрии, најавија дека веќе од понеделник месото и месните преработки ќе ги продаваат по пониски цени. Така килограм свински бут наместо 5,8 евра, сега ќе чини 5,2 евра, а килограм свински врат и кртина наместо 5,4 евра со новото поевтинување ќе чини 4,7 евра. Дел од српките месни индустрии од почетокот на месецот ги имаат намалено и цените на сувомеснатите производи. -Ги намаливме и цените на јунешкото месо, а веќе од понеделник ќе го поевтиниме и пилешкото месо. Засега било која промена на цените на месото, ќе оди само во правец на намалување, изјави за српскиот весник “Вечерње новости”, Милијана Бандиќ, раководител на секторот за маркетинг во месната индустрија “Матијевич” Според проценките на српските месни индустрии, продажбата на месото во последниот период е драстично намалена, а најмногу се продава само она месо чија што цена во некои денови е на акција. Свежото месо во Србија од почетокот на летото поскапе за повеќе од 30 отсто, што придонесе и за намалување на продажбата.