Погледнете кој е најбогатиот косовски политичар

Добивај вести на Viber

Косовскиот политичар кој стана познат со бизнисот во Швајцарија, вицепремиеротр и лидер на партијата Алијанса за Ново Косово Беџет Пацоли, и понатаму останува најбогатата личност во Косово. Тој  во даночна пријава прикажал богатство вредно 176 милиони евра,  пишува приштинскиот весник „Зери“ во написот под наслов „Богати колку државата“.

Пацоли е сопственик на компанијата „Мабетекс“, со седиште во Швајцарија, но бизнисот го има проширено и во неколку земји на Блискиот Исток. Тој е еден од најбогатите Албанци во светот и е поранешен сопруг на италијанската пејачка, со албанско потекло, Ана Окса.

Втор на листата е пратеникот од Алијансата за индината на Косово, Рамиз Келменди, инаку сопственик на синџирот супермаркети „ЕТЦ“, со пријавено богатство од 56 милиони евра. Пратениците Хашим Дешишку и Флорин Красниќи, се наоѓаат на трето, односно четврто место со богатство од 13, односно 10 милиони евра.

Во споредба со нив премиерот Хашим Тачи е многу „посиромав“. Тој, според „Зери“, пријавил дека поседува земјиште за иградба на куќа во вредност од 157 илјади евра, куќа во градба во вредност од 220 илјади евра, 180 илјади евра земјоделска површина, 80 илјади евра куќа, 13 илјади евра автомобил и 22 илјади евра депозит во банка.