Полјаци го бојкотираат Теско како протест поради однесувањето на Лондон

Добивај вести на Viber

Полската селска партија , која е членка на владејачката коалиција во Варшава , повика на бојкот на британскиот дистрибутивен синџир, Tesco . Британскиот премиер Дејвид Камерон го предизвика гневот на Полска , откако во неделата  пред Би-Би-Си ги критикуваше привилегиите кои ги уживаат полските имигранти кои работат во Велика Британија и посебно оние кои примаат детски додаток и ги испраќаат на своите деца, кои останале во Полска . "Време е да кажеме " не " на ваквата политика на премиерот Камерон . Ги повикуваме Полјаците да го бојкотираат синџирот" Tesco ", истакна лидерот на парламентарната група на Полската селска партија, Јан Бури , пренесуваат агенциите. "Не можеме да останеме индиферентни, кога Камерон ги навредува Полјаците и ги напаѓа полските семејства ", додаде тој. Tesco има 30 000 вработени во Полска, каде инвестирал 2,4 милијарди евра во синџирот од продавници. Премиерот на Полска, Доналд Туск , во вторникот објави дека Варшава ќе се спротивстави на каква било промена на правилата за европската миграција во пределите на Европа , на што инсистира Камерон . Веќе кон крајот на декември , британскиот премиер истакна дека безусловно отворање на британскиот пазар на труд за работниците од новите европски членки во 2004 година била колосална грешка . Ова мислење беше остро критикувано од полскиот нобеловец за мир и творец на синдикатот Солидарност, Лех Валенса . Околу 640 000 Полјаци живеат во Велика Британија , според британските статистики од 2012 година , но полската заедница смета дека во Велика Британија има 1 милион Полјаци. На крајот на ноември, непосредно пред отворањето на пазарот на труд за Романците и Бугарите , Камерон даде до знаење дека сака да ги заостри правилата за доделување на социјална помош за европските имигранти.   А.А.