Поморскиот транспорт, надеж за грчката економија

Добивај вести на Viber

Германскиот министер за финансии, Волфганг Шојбле најави дека Европа нема да и го сврти грбот на Грција. И покрај силната криза која ја погоди грчкото стопанство, тамошниот поморски сообраќај и понатаму останува конкурентен, пишува Ал Џезира. Владата верува дека поморската транспортна индустрија може да помогне да се опорави стопанството, но бродосопствениците не се така сигурни, известува новинарот на Ал Џезира, Џон Псарапулос. Танкерот „Анафи“ кој има носивост од 115.000 тони, полека с еповлекува низ теснецот Саламис, далеку од брагот на Атина. Пет пати е помал од најголемиот танкер, но дури и овој брод е преголем за да влезе во една од најголемите грчки рафинерии. Единствен начин на кој може да вплови е танковите да му се полупразни. Раст на трошоците Бродовите како „Анафи“ ја ставаат грчката трговска поморска флота на листата на најконкурентни во светот, што не може да се рече и з агрчката економија. „Грците денес ја водат најголемата трговска поморска флота во светот-со најмалку 3.500 прекуокеански бродови како овој, а кои можат да пренесат 15 посто од светскиот товар. Во државната каса уплатуваат околу 18 милијарди долари годишно, што е повеќе од шест посто од грчкиот бруто домашен производ“ - известува Ал Џезира. Но, оваа приказна за успехот ја пишуваат Грци, а не Грција. Помалку од 1.000 грчки бродови пловат под националното знаме, бидејќи законот вели дека тогаш мора да вработуваат грчка посада, а тоа ги крева трошоците. Грција така губи и на останатите полиња, како што се осигурување, набавка, бродоградба и ремонт. Планот на владата беше, целиот тој систем да го воспостави во Пирејското пристаниште. Беа блиску до таа цел, но како што вели сопственикот на „Анафи“, политичарите рекоа - не. Ремонтираната зона Перама, во државна сопственост, денес е мртва зона. По некој патнички траект е тука на ремонт, но не и прекуокеанските бродови. А малкумината вработени не заработуваат повеќе од 100.000 долари годишно, како некогаш. Синдикатите под водство на Комунистичката партија на овој проблем гледаат поинаку. Ниски даноци „Прв и основен проблем е дека ниту една влада немаше стратешки план за ремонт на бродовите. Друг проблем е дека ремонтните зони немаат соодветна опрема. Потребни се дополнителни инвестиции“ - порача Василис Бинос, претседател на синдикатите. Грција нуди пониски даноци за бродовите. Како знак за признавање на тој гест, бродосопствениците доброволно се пријавија, тие даноци да ги удвојат за три години и така да и помогнат на земјата да излезе од должничката криза. Но, нивниот патриотизам е само дотука. Поморскиот транспорт е исплатлив, но и високо ризичен. Ако Грција сака поголем дел од поморскиот транспортен колач, тогаш мора да го прави она што индустријата го диктира. Грција очекува дека 2014 година ќе го собори минатогодишниот рекорд по бројот на посети и приходи од туризмот, а експертите веруваат дека бројот на хотелски трансакции во наредните години, значително ќе пораснат, како и дека банките ќе ги превземаат презадолжените хотели и ќе ги продаваат на приватниот сектор.