„ВАКВИ ТЕШКИ ПОВРЕДИ СЕ ГЛЕДАТ САМО ВО ВОЕНИ УСЛОВИ“: УКЦ Војводина за состојбата на повредените, „Се уште се во животна опасност“

Добивај вести на Viber

Состојбата на тројца пациенти се уште е тешка и опасна по живот. Им се обезбедува сета потребна нега, вклучително и интензивно конзервативно лекување и дијагностика.

Драган Николиќ, управителот на Ургентниот центар на УКЦ Војводина денеска изјави дека состојбата на тројца пациенти повредени од уривањето на натстрешницата на Железничката станица во Нови Сад е се уште сериозна и дека нивните животи се во опасност.

- Се врши интензивен мониторинг, но повредите се многу сериозни, пациентите се во тешка општа здравствена состојба - изјави Николиќ.

Како што изјави лекарот, сега им се пружа сета потребна нега и се прави се за да се спасат.

- Се спроведува интензивен конзервативен третман, дополнителна дијагностика, лабораториски снимања, нови хируршки процедури во однос на откриените повреди. Вакви тешки повреди се среќаваат само во воени услови, тие бараат континуиран мониторинг - рече тој.

Тој истакна и дека никој од тројцата повредени не е свесен и дека се приклучени на механичка вентилација.

- Знаеме се за нивната здравствена состојба и тоа не е спорно, тоа се обемни повреди на повеќе органски системи, бараат многу внимателен начин на нега, даваме се од себе и мислам дека имаме резултати во однос на тоа, рече тој.

- Општата и стручно-медицинската проценка е дека општата здравствена состојба е сериозна или поточно опасна по живот - вели Николиќ.