ПОПОСКИ СО ОСУДА КОН РАМА: Соседите да не се мешаат во нашите работи и да не поставуваат мини кои кријат ризици за сите

Добивај вести на Viber

Министерoт за надворешни работи Никола Попоски го осуди мешањето на официјалните власти на Албанија и особено на албанскиот премиер Еди Рама во внатрешните работи на Република Македонија. 

Коментарот на Никола Попоски е по повод донесената „албанска платформа“ на албанските партии во Македонија, која беше објавена по консултации во Тирана и Приштина на лидерите на ДУИ, Али Ахмети, на Движењето „Беса“ Билал Касами и на Зијадин Села од Албанскиот сојуз. 

Во таканаречената „Албанска платформа“ тројцата се согласуваат за промена на Уставот, државните симболи и воведување на албанскиот како службен јазик во Република Македонија.

„Не е ниту воспитано, ниту пак соодветно кога премиер или претседател на една соседна земја, непосредно се меша во внатрешните работи на друга држава“, рече Попоски.

Попоски ги дефинира како грешни посланијата и поведенијата на властите во Тирана во момент кога Македонија се наоѓа во сложена политичка состојба.

„Секако станува збор за опасна интервенција во место со мултинационална култура. Тоа е прилично далеку од политиката на добрососедство. Ако сите прифаќаме дека иднината ни е во Европа, тогаш нашата борба треба да биде за повеќе сстабилност, мир, правда и напредок за сите граѓани. Ние секогаш сме биле многу коректни при соработката со соседите. најдобро е и тие да се придржуваат кон оваа приктика и да не поставуваат мини кои кријат ризици за сите“, рече Попоски во одговор на прашањето дали гледа интервенција на Тирана и Приштина во внатрешните работи на Македонија.