ПОРАСНАА ЦЕНИТЕ НА ЗЕЈТИНОТ, ПОРАСНА И ПРОФИТОТ НА „КРИСТАЛ“ - за половина година добивка од 609 илјади евра

Добивај вести на Viber

Огромен пораст на добивката и приходите на македонсдката компанија за пропизводство на масло за јадење, „Кристал 1923“ од Велес, или попозната како Благој Ѓорев. 

Тие ги објавија своите финансиски извештаи за првото полугодие од оваа година. Билансот на успех говори дека оваа компанија остварила добивка во првите шест месеци од годинава од 609 илјади евра, што е огромен раст во однос на истиот период од минатата година, кога добивката изнесувала само 127 илјади евра. Или, профитот на оваа компанија во првото полугодие од годинава пораснал за дури пет пати во однос на истата временска отсечка од минатата година. 

Од објаснувањето што го дава компанијата во својата ценовно чувствителна информација до Берзата, може да се заклучи дека растот на добивката главно се должи на порастот на продажните цени на зејтинот.

Како што е поизнато, цената на овој производ расте на светските берзи, а тоа доведе и до висок скок на цените на маслото за јадење во земјава, дури и речиси двојно во споредба со пред извесен период. 

Од компанијата велат дека за шесте месеци оваа година се остварени вкупни приходи во износ од 312.301 илјада денари, и во однос на лани за истиот период се намалени за 4 отсто. Поголем дел од приходите се од домашен пазар. Приходите од странски пазар во однос на претходната година се намалени за 29 проценти, велат од компанијата.

Расходите за шест месеци оваа година изнесуваат 274.857 илјади денари и во однос на претходната година се намалени  за 14 отсто.

„Од напред наведеното може да се заклучи дека намалувањето на приходите е помало за 10 отсто во однос на намалувањето на трошоците, и како резултат на порастот на продажните цени на готовите производи во овој период во однос на цените на залихите, е остварен позитивен финансиски  резултат“, се вели во информацијата до јавноста од Кристал.  

Прогласената пандемија од ковид 19 немаше негативно влијание врз работењето во 2021 година, нагласуваат од компанијата, а нагласуваат и дека не очекуваат позначајни импликации врз резултатите од работењето на друштвото и во наредниот период.

Н.Н.Ф.