Порошенко: Депутинизирајте го светот, само така можеме да го запреме

Добивај вести на Viber

Украина сепак се подготвувала за војна со Русија. 

Екс украинскиот претседател Петро Порошенко изјави дека Украина од самиот почеток се подготвува за војна со Русија. Тој во разговор со руските пранкери Вован и Лексус признал зошто всушност му биле потребни договорите од Минск за да се реши украинската криза. Вели дека договорите од Минск биле неопходни само за да се купи време. За тоа дали договорите од Минск се невозможни за спроведување, Порошенко одговори дека благодарение на нив Киев успеал да ги формира украинските вооружени сили и да ја врати украинската економија. Сето ова го призна Порошенко во видео-интервју со еден од пранкерите, а пренесува Раша тудеј на српски јазик.

Поранешниот украински претседател додаде дека е убеден дека овој успех не би бил можен без поддршката на САД, бидејќи на југ целата артилерија е од западен калибар, односно од САД, мислејќи на ракетниот систем ХИРМАС.

Порошенко рече дека „мора да работат напорно за да создадат глобална коалиција против Путин“.

„Депутинизирајте го светот. Само така можеме да го запреме. И верувам дека основата на антипутинската коалиција е контакт групата за одбранбени прашања на Украина „Рамштајн“. Треба да го зголемиме бројот на земји кои се приклучуваат на одбранбената група“, нагласи тој.

Вели дека за неговата земја е неопходно оружје, а не зборови.

„Русија има десетпати повеќе артилерија, Русија има 30 пати повеќе муниција, а во авијацијата Русите имаат значителна предност, првенствено противвоздушни ракети, вклучувајќи ги и оние лоцирани во зоната на нашата контраофанзивна операција“, рече Порошенко.

Вели дека Украина треба да добие план за членство во НАТО. Според него, тоа би бил одговор на уцената на Путин.  Порошенко на почетокот од војната беше снимен со оружје на улиците во Киев. 

„Русија сака пауза во војната бидејќи ништо не оди по планот“, изјави рускиот политиколог Максим Саморуков. 

Според него, никому во Русија не му е потребна оваа војна, освен на рускиот претседател Владимир Путин. Објаснува дека во земја со 150 милиони жители, еден човек може да ја мобилизира целата земја за војна што никој друг не ја сака“.