Порошенко: Ја повлекуваме војската од Дебаљцево

Добивај вести на Viber

Украинскиот претседател Петро Порошенко потврдил денеска дека силите на украинската војска се повлекуваат од градот Дебаљцево на истокот од земјата, каде веќе неколку недели се одвиваат жестоки судири со просруските сили за контрола над важниот железнички сообраќај.

„Украинската војска заедно со националната гарда утрово донела одлука за повлекување од Дебаљцево. Можеме да кажеме дека досега над 80 одсто од нашите единици по напуштија тој град“, изјавил Порошенко во аудио снимката која ја објави неговата прес служба.

Порошенко пред заминувањето на првата линија на фронтот, ги пофалил украинските сили за исполнување на својата должност во одбрана на Дебаљцево и изјавил дека тие на светот му го покажале „вистинското лице на бандитите и сепаратистите кои имаат поддршка од Русија“.

Агенцијата АФП нешто порано објавила дека од Дебаљцево се повлекуваат десните украински тенкови и други воени возила.

Известувачот на таа агенција видел како возила со уморни и небричени војници пристигаат во близина на градот Артемивск, каде што еден војник потврдил дека тие се „војници кои доаѓаат од Дебаљцево“.

Иако на 15 февруари стапи на сила примирјето, окулу градот Дебаљцево се'уште се водеа жестоки напади помеѓу украинските и проруските сили.