ПОРТОКАЛОВО НИВО НА ОПАСНОСТ: Високи температури и високо УВ зрачење
Објавено во: Македонија 13 Август, 2019
Денес ќе се задржи сончево и многу топло време со натпросечни температури на
воздухот. Ќе биде активирано портокалово ниво на опасност од високи
температури и УВ зрачење. Ќе има и слаб до умерен југоисточен ветер.
УВ индексот ќе биде висок и ќе изнесува 9.
Дневните температури на воздухот исто така ќе бидат високи и ќе се движат од 32 до 41 степен целзиусов.
Денес насекаде, а во среда, односно утре само во јужните делови ќе биде активирано портокалово ниво на опасност од високи температури и УВ зрачење.
Во среда кон крајот на денот и во четврток на места ќе има зголемување на облачноста со пороен дожд, грмежи и засилен ветер, локално во форма на невреме.
Во четврток и петок ќе дува засилен северен ветер и температурата ќе опадне за 5 до 8 степени.