Потпишан Меморандум за соработка меѓу МАПАС и пензискиот супервизор од Косово

Добивај вести на Viber

Агенцијата за супервизија на капитално финансирано пензиско осигурување и претставници од Централната банка на Република Косово, потпишаа Меморандум за соработка со  меѓу двете институции. Меморандумот за соработка беше потпишан од страна на Заменик директорот на МАПАС, Ментор Јакупи иЗаменик гувернерот за супервизија на финансиски институции Неџат Круезиу, кои изразија задоволството заради отпочнување на соработка на двата супервизори. Согласно со Меморандумот за соработка,  договорните страни ќе разменуваат искуства стекнати во полето на капитално финансираното пензиско осигурување, работењето на пензиските фондови, механизмите на супервизија на пензиските фондови и усвоената регулатива и правните мерки. Техничката соработка ќе се состои од размена на документи, билатерална помош со цел размена на искуства од заеднички  интерес, како и соработка во полето на едукација, истражување, обуки и развој од заеднички интерес. Овој Меморандум за соработка е од исклучителна важност за придонесот во развојот и унапредувањето на капитално финасираното пензиско осигурување и во двете земји со релативно млад приватен пензиски систем.