Познат идентитетот на Македонецот кој местел натпревари на најелитните фудбалски клубови во Белгија
Објавено во: Македонија 12 Октомври, 2018
Медиумите од регионот пренесуваат дека извесен Драган Силјаноски е единствениот Македонец во скандалот кој го тресе белгискиот фудбал со местење на резултати на најелитните клубови од таа земја.
станува збор за 44-годишен поранешен фудбалер кој како дефанзивец настапувал за Слога Југомагнат, а потоа започнал интернационална кариера во Белгија како играч на Ројал Антверп.
Тој се сомничи дека перел пари во соработка со криминалната организација одговорна за хаосот во Белгија. Хрватските весници пишуваат дека Силјаноски му бил менаџер на тренерот на шампионот Бриж - Хрватот Иван Леко, кој, исто така, беше приведен, па пуштен по една ноќ во притвор.
Во акцијата во Белгија, Франција, Кипар, Србија и Македонија се испитуваат членови на управи на фудбалските клубови, менаџери на играчи, адвокати, сметководители, златари и новинари.
Центарот на истрагата се случува во Белгија, каде дури осум клубови од првата лига се сомничат за местење.