ПРЕДЛОГ: Учениците до трето одделение да одат во училиште, а за останатите да има онлајн настава
Објавено во: Македонија, Корона Вирус 13 Август, 2020
Комисијата за заразни болести денеска на состанок со претставници на Министерството за образование и наука, предложила учениците до трето одделение да одат во училиште, а за останатите да има онлајн настава.
Повозрасните ученици според предлогот ќе треба да учат од дома.
Ова за МИА го изјави министерот за здравство Венко Филипче.
Тој вели дека за овој предлог на Комисијата треба да се дискутира на седница на Владата и да се донесе конечна одлука.
„За градинките следниот понеделник или вторник ќе имаме уште еден состанок со Министерството за труд и социјална политика, тие ја ажурираат бројката, бидејќи сега гледаат колку деца ќе се испишат, а колку ќе се запишат, па врз основа на тоа да се направи“, додаде Филипче.
Се бара решение за одвивање на образованиот процес во време на пандемија.
За 24 часа во Македонија има 141 заразен пациент со коронавирус.Бројките скоро секој ден се двоцифрени.