ПРЕДУПРЕДУВАЊЕ: Обучувач алармира дека е можна злоупотреба на локалните избори бидејќи ДИК ќе им дозволи да гласаат на оние на кои нема да им се совпадне отпечатокот од прст

Добивај вести на Viber

Мирослав Драганов, обучувач, преку својот фејсбук профил, алармира, како што вели, за потенцијална голема злоупотреба на локалните избори што ќе се одржат во недела. 

„ДИК одлучи да им дозволи регуларно да гласаат на сите оние избирачи на кои на денот на изборите отпечатокот од прст (на новиот уред кој ќе се користи на изборниот ден) нема да им се совпадне со личната карта/пасошот т.е. со отпечатокот од прст што соодветниот избирач го оставил во МВР при вадењето на неговите документи за лична идентификација (!?)

Навистина не знам која е позадината за оваа одлука, но она што го знам е дека во ваквите случаи и логично, а и законски е (!!! согласно член 108 став 6 од Изборниот законик) на таквите избирачи да не им се дозволи веднаш да гласаат туку да им се овозможи заштита на избирачкото право преку поднесување приговор и испитување на случајот во тие два часа, па доколку е во ред, тогаш ДИК да му дозволи на таквиот избирач да гласа и да си го оствари своето избирачко право, а доколку не е во ред, тогаш за тоа да поведе соодветна постапка против таквиот избирач.

Ваквиот начин на поднесување приговор е предвиден и за секој оној на кој Уредот ќе му покаже дека веќе гласал, па оттука не знам зошто им се дава право да гласаат на сите оние на кои не им се совпаѓаат отпечатоците???“, пишува на фејсбук Мирослав Драганов.

Според него, ДИК има уште четири дена да ја спречи оваа потенцијална голема злоупотреба наместо непотребно да го усложнува ракувањето со Уредот во оние етапи во кои е тотално небитно и нерелевантно!

Драганов вели дека ова го кажува бидејќи одржалв 21 обука изминативе денови за ракување со Уредот и, каско што потенцира, е добро упатен во проблемите кои може да настанат на терен во недела на изборниот ден.