Прераспределби го тресат Основен суд-кој се најде на удар?

Добивај вести на Viber

Вистинска чистка се случува во Основниот суд Скопје 1.

Медиумите пренесуваат дека институцијата која треба да ја изнесува правдата на виделина прави прераспределби на судиите.

Имено, судиите кои прифаќаа барања на СЈО се прераспоредени, за бомбите ќе судат Панчевски, сопруга на функционер од ВМРО-ДПМНЕ и Лидија Петровска.

Татјана Михајлова в.д. претседателка на Основниот суд Скопје 1 направила прераспоредување на судиите кои долги години биле во Кривичниот суд Михајлова ги преместила во Судот за прекршоци.

Медиумите пишуваат дека меѓу прераспоредените се и Весна Димишкова, судијка која даде наредба за претрес на СЈО во Управата за безбедност и контраразузнавање, која е прераспоредена во одделот за малолетници, судијката Славица Андреева која ја замрзна сметката на фирмата Финзи и одреди притвор за градоначалникот на Битола, Владимир Талевски, како и 13 судии кои се потпишаа на петицијата против екс претседателот на Основниот суд, Владимир Панчевски.

Во Судот за прекршоци е преместена и судијката Оља Ристова која кажа дека Кривичниот совет е ненадлежен да одлучува дали незаконски прислушуваните материјали може да се користат како докази за постапките на СЈО.

Судија во одделот за организиран криминал, каде што се судат предметите на СЈО станува експретседателот на Основниот суд, Владимир Панчевски, судијката Лидија Петровска чие име се споменува во бомбите на СДСМ, како и Моника Бахчовановска, сопруга на висок функционер на ВМРО-ДПМНЕ.