ПРЕСЕЧЕТЕ УШТЕ НА СТАРТ: Причини поради кои треба да го откажете интервјуто за работа
Објавено во: Финансии 27 Јуни, 2017
Барањето на работа може да биде стресен и долготраен процес. Затоа небаре сме навикнати да мислиме дека треба да сме бескрајно благодарни дури и ако само ни се јават за интервју. Во некои случаи, сепак се појавуваат знаци дека ова можеби не е соодветна опција за вас.
Кога треба да ви светне црвеното светло и кога е добра идеја да не одите на интервјуа за работа советува Forbes.
1.Сте се обиделе да ја проучите компанијата и работите изгледаат сомнителни - нема веб-сајт или веб-сајтот изгледа примитивно, нема присуство на социјалните мрежи, итн.
2. Сте прочитале/ слушнале критики од вработените на компанијата и сите се ужасни.
3. Ви испратијадолга листа со инструкции пред самото интервју.
4. Го менуваат неколку пати датумот и времето, без да бидат заинтересирани дали за вас е удобно.
5. Поставуваат услови како: „Ќе го спроведеме интервјуто само ако гарантирате дека ќе прифатите каква-плата ви нудиме и ниту денар повеќе“. Или „Ќе се сретнеме со вас само ако гарантирате дека ќе останете барем една година на позицијата.“
6. Комуникација од страна на компанијата е груба и невообичаена.
7. Одите на местото и веднаш чувствувате дека не сакате да работите таму. Доверете и се на интуицијата.
За жал, во денешно време има многу неточни луѓе, кои ќе се обидат да ве примамат на неповолна работа. Колку порано дознаете дека едно место не вреди за вашето време и напорите, толку подобро.