ПРИФАТИЛЕ ЛАЖНА БАНКАРСКА ГАРАНЦИЈА - уапсени петмина вработени во Министерство за финансии, како и сопственик на фирма
Објавено во: Македонија 09 Октомври, 2024
Шест лица добија кривични пријави од МВР поради здружено манипулирање со документација која му овозможила на едно од лицата, сопственик на фирма без основа да се стекне со сума над 13 милиони денари.
Имено, пет лица кои биле вработени во Министерството за финансии се здружиле и на правно лице од Струмица му овозможиле со лажна банкарска гаранција да организира игри на среќа и да остварува ќар.
Министерството за внатрешни работи поднесе кривични пријави против нив, како и против управителот на правното лице за делата злоупотреба на службената положба и овластување, фалсификување исправа, употреба на исправа со невистинита содржина и несовесно работење во службата.
- Одделот за криминалистичка полиција во координација со Единицата за финансиски криминал при Секторот за криминалистички истраги во Одделот за сузбивање на организиран и сериозен криминал поднесе кривична пријава против правно лице од Струмица поради постоење основи на сомнение за сторено кривично дело „употреба на исправа со невистинита содржина“. Против Д.Ј.(37) од Кавадарци, управител во правното лице, поради постоење основано на сомнение за сторени кривични дела „фалсификување исправа“ и „употреба на исправа со невистинита содржина“. Против Н.М.П.(40), О.С.С.(49), О.Н.(54), сите од Скопје, вработени во Министерството за финансии, поради постоење основи на сомнение за сторено кривично дело „злоупотреба на службената положба и овластување“ и против Л.Т.(63) и М.С.(45), двете од Скопје, вработени во Министерство за финансии, поради постоење основано сомневање за сторено кривично дело „несовесно работење во службата“ од Кривичниот законик - соопштуваат од МВР.Од таму појаснуваат дека во периодот од 13.07.2022 до 06.08.2024, пријавениот Д.Ј., како управител на правното лице, изготвил лажна исправа - Банкарска гаранција, наводно издадена од една банка. После тоа, банкарската гаранција ја приложил како вистинска во Министерството за финансии, во врска со добиената лиценца за приредување на игри на среќа, во која е предвидено дека приредувачот на игри на среќа за обезбедување на исплатата на добивките на учесниците во игрите на среќа, плаќање на јавните давачки утврдени со закон, како и за надоместоците и посебните давачки е должен да депонира депозит или да обезбеди банкарска гаранција и во рок од 15 дена од приемот на лиценцата, во истиот рок да го достави доказот за депонираниот депозит или банкарската гаранција до Министерството за финансии.
- Пријавената Н.М.П., во својство на советник за системот на осигурување, и покрај тоа што знаела дека барањето не е доставена во законски предвидениот рок, без да ја архивира со приемен печат и без да изврши контрола на соодветноста на банкарската гаранција, ја депонирала во предметот како вистинска. О.С.С., раководител на Одделение за игри на среќа и за забавните игри, без да ја провери соодветноста на доставената банкарска гаранција ја проследила без приемен печат до Л.Т., која во својство на раководител на Сектор за финансиски систем во Сектор за финансиски систем и потоа М.С. во својство на Државен советник за прашања од финансискиот систем, со пропуштање на должен надзор, го одобриле проследувањето на лажната банкарска гаранција до О.Н., државен советник за јавна внатрешна финансиска контрола, која била должна да изврши проверка на предметите кои се доставуваат во Сектор кабинет за потпис од Министерот за финансии, Заменик министерот за финансии и Државниот секретар, а кои се во надлежност на Секторот за финансиски систем, во делот на издавање на лиценците за приредување на игрите на среќа во обложувалница, автомат клуб, казино и томбола од затворен тип - се појаснува во соопштението.
Со наведените дејствија пријавените лица предизвикале штета на државниот буџет во износ од 32.000 евра и му овозможиле на правниот субјект да ја користи добиената лиценца и да се стекне со противправна имотна корист од 13.489.952 денари.
Можеби ќе ве интересира
Македонија членка на Советот за човекови права на ОН за периодот 2025 - 2027
„БЕСПЛАТНО СКИЈАЊЕ ЗА УЧЕНИЦИТЕ ОД КАВАДАРЦИ“: Јанчев најави дека до крајот на годината ски центарот ќе биде во функција
„Секоја тенденција да се запостави правичната застапеност Вреди нема да ја прифати“: Меџити за идниот закон по укинувањето на Балансерот
ИСЧЕЗНА 15-ГОДИШНА ТИНЕЈЏЕРКА ОД СВЕТИ НИКОЛЕ - девојчето не се вратило дома по часовите
„ГОЛЕМИ СУМИ ЗА РЕСТОРАНИ, ПОПРАВКИ НА ЅИДОВИ, ЧИСТЕЊЕ КЛИМИ“: директорот на Прилепска болница објави „полицијата ги чешла документите“
„КАЈ ПОЧИНАТИТЕ НЕ СЕ ПРОНАЈДЕНИ ДРУГИ ТРАГИ НА НАСИЛСТВО“: МВР се сомнева дека мајката и ќерката од Слатино починале од труење
Мицкоски: Паднаа лагите на СДСМ за мојот син Јован
„ДОАЃА НА ВЛАСТ И КРАДЕ, ОДИ ВО ОПОЗИЦИЈА И ЈА КРИТИКУВА ВЛАСТА..., И ТАКА 30 ГОДИНИ“ - еве што мисли Најчевска за практикувањето на власта
