ПРИМЕНА ЕДНА ДОЗА ВАКЦИНА ВЕЌЕ НЕ Е ДОВОЛНА - од денеска нови правила за влез во објектите

Добивај вести на Viber

Нови правила на игра ќе важат од денеска во врска со влез во затворените објекти. 

Или конкретно, за влез во објекти е потребен сертификат за примени две дози на вакцина или потврда за прележан ковид-19 во последните 45 дена.

Министерството за здравство апелира граѓаните да ги почитуваат мерките и да бидат одговорни.

Министерот за здравство Венко Филипче во петокот изјави дека на Комисијата за заразни болести ќе се дискутира и за други евентуални дополнителни рестриктивни мерки. Тој најави дека овие мерки пред се би се однесувале на невакцинираните граѓани, имајќи предвид дека најголем товар во болничкиот систем доаѓа од нив.

„Можно е да се прошири критериумот за влез со најмалку две примени дози и за други места и настани, отколку што е сега“, информира министерот.

Сертификатот со две  дози се однесува на следните објекти:

- семинари, обуки, курсеви, состаноци, работилници, конференции и слично, во затворениот дел на објектите до 50 отсто исполнетост од капацитетот на просторот.

- барови и ноќни клубови - дискотеки, како и на угостителските објекти кои се регистрирани за прослави (веселби, свадби, родендени, крштевки и слично) во затворениот дел на објектите до 50 отсто исполнетост од капацитетот на просторот.

- влез во секаков вид на објекти од отворен и затворен тип, угостителските објекти (кафетерии, ресторани, барови, ноќни клубови-дискотеки), во угостителскиот објект/дел за исхрана во угостителските објекти за сместување (хотел, мотел, хостел, пансион и друг објект за сместување), на бензинските станици, во казината и обложувалниците, во други објекти кои во склоп на истиот даваат угостителски услуги, во угостителските објекти кои се регистрирани за прослави (веселби, свадби, родендени, крштевки и слично), како и се дозволува влез каде што се одржува настан од секаков друг вид (концерти, семинари, обуки, курсеви, состаноци, работилници, конференции, културни или спортски настани), на посетители / гости / лица.