Признание за СН Осигурителен Брокер како лидер во земјоделското осигурување за 2022

Добивај вести на Viber

Во рамките на изборот на најуспешните од областа на земјоделството за 2022 година,  здружението на земјоделци „Современо земјоделство“ му додели признание на СН Осигурителен Брокер АД Битола како лидер во земјоделското осигурување.

На церемонија на доделување на наградите во Битола, претседателката на „Современо земјоделство“, Билјана Петровиќ ѝ го врачи признанието на Николина Таневска, извршна директорка на СН Осигурителен Брокер.

„СН Осигурителен Брокер АД Битола останува посветен партнер на земјоделците и голем поддржувач на аграрниот сектор. Поддршката од наша страна ќе продолжи и во иднина во насока на развој на модерно и современо земјоделие.“-изјави Таневска.

Таа посочи дека земјоделците се се посвесни за неопходноста од осигурување во агробизнисот во функција на сигурно и конкурентно производство. „Земјоделците знаат дека земјоделското производство е како и секој друг бизнис во кој треба да се вложува за да се произведе конкурентен производ. Осигурувањето нуди сигурност на тие вложувања.“

Покрај земјоделското осигурување, СН Осигурителен брокер, преку професионален кадар во континуитет ги едуцира земјоделците на терен, ги следи актуелните состојби во агро сектор и воведува новитети соодветни на потребите на земјоделците.