ПРОДАДЕНИ СЕ 16 ОТСТО ОД АКЦИИТЕ НА „ЖИТО ПОЛОГ“ - купувачот плати 328 илјади евра

Добивај вести на Viber

Вчера преку берзанска блок трансакција беа продадени 15,9 проценти од акциите на „Жито полог“ од Тетово.

Сумата која беше платена е 328 илјади евра.

Според берзанското известување, вчера всушност поминале две блок трансакции со акциите на „Жито полог“, и тоа во првата се продале 6.417 акции по цена од 2.268 денари за акција, а во вториот блок поминале 2.469 акции по исто така 2.268 денари за акција.

Со оглед што „Жито Полог“ има вкупно 55.997 издадени акции, а вчера преку двете блок трансакции се продале 8.886 акции, тоа значи дека практично во еден ден се продадени 15,9 проценти од акциите на ова компанија. И тоа за вкупна сума од 328 илјади евра.

Кој ја плати оваа сума ќе биде појасно кога промените во сопственоста ќе ги регистрира Централниот депозитар за хртии од вредност.

Во последнава година немало на Берзата тргување со акците на „Жито полог“.

„Жито полог“ е компанија со основна дејност производство на мелнички и пекарски производи, тестенини и јајца. Поседува сместувачки капацитети за житни култури, има сопствена малопродажна мрежа и специјализиран погон за добиточна храна за задоволување на потребите на сопствената живинарска фарма.