Добивај вести на Viber
Доцна синоќа беше покренато обвинение за корупција против синовите на двајца министри во Владата на Турција. Станува збор за синови на министрите за внатрешни работи и за економија, Муамер Ѓулер и Зафер Џаглајан, на кои судот им изрече мерка притвор.
И ова обвинение од истанбулското Јавно обвинителство е покренато во рамките на корупцискиот скандал кој ја тресе Турција неколку дена. Покрај синовите на министрите, за корупција, измами, илегална трговија на злато и присвојување туѓ имот се обвинети уште неколку лица. Меѓу нив се уапсени и директороот на турската државна „Халк банка“, Сулејман Аслан, а приведен па пуштен беше синот на турскиот министер за животна средина и урбанизам Ердоган Бајрактар.
Во големиот корупциски скандал имало 80-тината приведени лица. Претходно разрешен од должност беше и шефот на полицијата на Истанбул, Хусеин Чапкин. Чапкин беше шеф на истанбулската полиција од 2009 година.